اول ليل

أنا اقول يا ستـار زل اول الليـل
تعدى اولـه مـا بقـي الا قليلـه
ترى الليل مايصلـح بليـا تعاليـل
تعاليـل يبـرن القلـوب الغليلـة
انا اللي جرى لي في حياتي غرابيل
غرابيـل يدعـن الدقاقـة جليلـة
صغير النهود اللي سواة الفناجيـل
انا ماذبحني كود ظافـي الجديلـة
نويت السفر يالله عليـك التساهيـل
ابمشي وحالي مـن فراقـه عليلـة
الا ياعيوني هلـي الدمـع بالحيـل
عليك القصيرة ياعيونـي طويلـة
الا واعناي من الليالـي المقابيـل
ليالـي علـى الحمـى تزيدالمبلـة
خذ القلب واودعني سواة المهابيـل
حسين النبا اللي نافـل كـل جيلـه
ملكني هوى راعي العيون المضاليل
وانا من قبيلة والغضي مـن قبيلـة